Ro rahaa hoon main , dekhtaa bhi nahee sarkaari afsar ,
Record mein kaise aayenge aansoo , sookh jaane ke baad
.
Kyaa pahchaan aur behtar , ho nahi sakti ?
Jugnu pahchaane jaate hain shaam dhal jaane ke baad.
Aapko haq jataane se kisne rokaa hai sarkaar ,
Tax le lijiye magar kuchh wade nibhaane ke baad .
Kitnaa mushqeel aur mehnat hai izhaar mein ,
Papa ki photo har baar dekhtaa hu magar call kat jaane
ke baad.
Hum musaafir nayaa raasta chunane se kyun rokenge ,
Beshaq ! Chale jaaiye , bas ik baar gale lagaane ke
baad .
Koshishein kahaan jaanti hain bhed-bhaav kaa
mathematics ,
Har baar usee tarah kiyaa nayaa ishq , puraane ke baad
.
Ye gareebi taakne bhi nahee deti hain panne ,
Bachche aaj bhi khojte hain kaam , kitaabein aane ke
baad .
Modern Love ka funda humein bhi samjhaaein Huzur !
Hum ab bhi dost hain ? itnaa waqt saath beetaane ke
baad ?
Aapki taareefo kaa achaar lagaate thak gaye hum ,
Hum aapko yaad aate hain , laut aane ke baad.
Tum iss tarah vote maangoge to sach mein ro dungaa ,
Nahee ! ghaav nahi sookhte , khoon rukk jaane ke baad.
Muaavaze ki rakam theek samay par ghar aai thi ,
Magar ginta kaise koi , haath kat jaane ke baad .
Duniyaa ghoomti hai gol , chalti hai kismat ki lakeer
par ,
Yee aap ab bataa rahe hain ? hunar dikhaane ke baad ?
Iss shaam ko harr oz bulaataa hai meraa intezaar ,
Magar chaand ko ab ghar jaanaa hai , pooraa dikh jaane
ke baad.
Iss likhaawat mein galti se bhi jhaaknaa mat roti ,
Taaliyon ke liye chillaanaa padtaa hai , gazhal
sunaane ke baad.
Har kisi ke ghar mein chaarpaai aur chulhaa hi hai
dost ,
Aakhir kitni Roshni ho jaaegi , sabke gharo ko jalaane
ke baad.
Pool giraane mein waqt – paisaa barbaad karnaa hai
bewakoofi ,
Bread giraa dee jaayengi aasmaan se , baadh aa jaane
ke baad.
Ek din mein deewaaro kaa bann jaanaa hai Unnati ,
Imaarat sundar lagati hai , bastiyaan giraane ke baad.
Kyaa bataaoon ! Khoob chubhati hai logo ki hansee
mujhe ,
Magar har koi ban jaataa hai putlaa , unse haath
milaane ke baad.
Kaash ! sadak se pahle tum gaaon , pahle aa jaate ,
Jantaa maalaa phenk chuki hai , phool murjhaane ke
baad.
Duniyaa, duniyaa , bas duniyaa kaa swaarath ,
Jeena bhi Naseeb hogaa Jannat mein , mar jaane ke baad .
@ Shaayar_Bamlesh_Khuraafaati
